Boks bo‘yicha O‘zbekiston terma jamoasi va “Uzbek Tigers”ning sobiq a’zolari Murodjon Ahmadaliyev va Shahram G‘iyosov professional ringdagi ilk janglarini Nyu-Yorkda o‘tkazishdi.
"The Real Deal Boxing" va "Mir boksa" kompaniyalari tomonidan tashkillashtirilgan boks kechasi “Kings Theater” arenasida bo‘lib o‘tdi.
Mazkur janglarda 2016 yilgi Olimpiya o‘yinlarining kumush medal sohibi Shahram G‘iyosov argentinalik Nikolas Velaskes bilan kuch sinashsa, Murodjon Ahmadaliyev boshqa bir argentinalik bokschi David Pazga (4-4-1) qarshi ringga ko‘tarildi.
Har ikki bokschimiz pofessonla boksdagi debyutlarini muvaffaqqiyatli boshladilar. Ozodbek Nazarbekovning "Mendirman o‘sha!" qo‘shig‘i sadolari ostida ringga chiqqan Murodjaon Ahmadaliyev birinchi raunddayoq raqibini nokautga uchratdi.
Sevara Nazarxonning "Ulug‘imsan, vatanim" qo‘shig‘i sadolari ostida chiqib kelgan Shahram G‘iyosovga raqibini nokaut qilish uchun 15 soniyagina kifoya qildi.
