Kecha Gollandiyaning Eyndxoven shahrida taekvondo bo‘yicha Gollandiya ochiq chempionati boshlangani haqida xabar qilgandik.
Kecha o‘smirlar o‘rtasidagi janglar bo‘lib o‘tdi. Dastlabki kun yakunlariga ko‘ra, Madina Mannopova, Jasur Jaysunov, Ulug‘bek Rashidovlar oltin, Ozoda Sobirjonova, Begzod Ibragimov, Shahzod Jo‘rayevlar kumush medallarni qo‘lga kiritdilar.
Bugun o‘tkaziladigan bahslarda o‘smirlar o‘rtasidagi janglarda Feruza Sodiqova va Jasurbek Zokirovlar ishtirok etadilar.
Kattalar o‘rtasidagi bellashuvlarda esa Dmitriy Shokin, Shaxboz Shofayziyev, Umida Abdullayeva, Dinora Mamadibragimova, Timurbek O‘rolov hamda Bahrom Abdullayevlar o‘z omadlarini sinab ko‘radilar.
