Bugun “Lokomotiv” – “Ad-Duhayl” uchrashuvi oldidan har ikki jamoa ustozlari ishtirokida matbuot anjumani o‘tkazildi. Unda Andrey Miklyayevga mahoratli yarim himoyachi Sanjar Shoahmedov hamrohlik qildi.

– Ertaga bizni juda qiziqarli va o‘z navbatida qiyin o‘yin kutmoqda. Birinchi galda raqibni kuni kecha qo‘lga kiritilgan navbatdagi Qatar chemnpionligi bilan tabriklayman. Bu – juda kuchli klub. Ularga qarshi o‘ynash oson kechmaydi. Buni o‘tgan safargi bahsda ham ko‘rdik. Biz uyda o‘ynaymiz. Umid qilamanki, ko‘plab ishqibozlar bizni qo‘llab-quvvatlagani keladi va biz ularga ijobiy natija hadya eta olamiz, – deydi tajribali mutaxassis.

– Chindan ham bizni qiziqarli o‘yin kutmoqda. Ertaga “Lokomotiv” maydonga faqat va faqat g‘alaba ilinjida tushadi. Barcha qo‘ldan kelgancha jamoamiz g‘alabasiga xissa qo‘shishga urinadi, – dedi Sanjar Shoahmedov.