Xabaringiz bor, ertaga – 12 mart kuni “Lokomotiv” o‘z maydonida Osiyo Chempionlar Ligasi guruh bosqichi 4-tur uchrashuvlari doirasida Qatarning “Ad-Duhayl” klubini qabul qiladi.

Bugun mazkur o‘yin oldidan har ikki jamoa rasmiylari ishtirokida yig‘ilish bo‘lib o‘tdi. Unda o‘yin tashkiliy masalalari muhokama qilindi. Shuningdek, jamoalar o‘yinni qanday rangli libosda o‘tkazishlariga oydinlik kiritildi.

Unga ko‘ra, “Lokomotiv” “Ad-Duhayl” bilan o‘yinni qizil-yashil-yashil libosda o‘tkazadi. Qatarliklar esa to‘liq kulrang libosda maydonga chiqishadi.

Ta’kidlab o‘tamiz, “Lokomotiv” – “Ad-Duhayl” qarama-qarshiligi 12 mart kuni “Lokomotiv” stadionida bo‘lib o‘tadi. O‘yin soat 17:00da start oladi.