Qoraqalpog‘istonning Nukus shahrida qilichbozlik bo‘yicha "Qoraqalpoq qilichi" nomli musobaqa o‘tkazilmoqda.

Ushbu turnirda 2003 va undan keyin tug‘ilgan sportchilar ishtirok etmoqdalar. 14 martgacha davom etadigan bahslarda qilichbozlikning barcha yo‘nalishlari bo‘yicha g‘olib va sovrindorlar nomi ma’lum bo‘ladi.

Musobaqada Respublikamizning turli xududlaridan 112 nafar sportchi sovrinli o‘rinlar uchun kurash olib bormoqda.

Hozircha shpaga bo‘yicha o‘g‘il bolalar va qizlar o‘rtasida yakkalik bahslari yakuniga yetdi.

O‘g‘il bolalar o‘rtasida Andijon viloyati vakili Mirzo-Ulug‘bek Mo‘minov barcha raqiblarini mag‘lubiyatga uchratib, birinchi o‘rinni qo‘lga kiritdi. Buxoro viloyati vakili Avezbek Naimov ikkinchi o‘rin sohibiga aylandi. Uchinchi o‘rinlar Jasur Sattorov (Buxoro) va Samandar G‘ulomjonov (Andijon) larga nasib qildi.

Qizlar o‘rtasida o‘tkazilgan bahslarda esa Toshkent shahri vakili Asal Rahimmirzayeva oltin medal sohibiga aylandi. Ikkinchi o‘rinni esa Andijon viloyatidan tashrif buyurgan Oydin Abdulazizova egalladi. Uchinchi o‘rinni Gulya Raimqulova (Toshkent) va Muxlisa Odilova (Andijon) qo‘lga kiritdi.