Sloveniyaning Lasko shahrida karate bo‘yicha "Slovenia Open" xalqaro turniri o‘tkazildi.
Mazkur nufuzli turnirda terma jamoamizning besh nafar a’zosi shohsupaning eng yuqori pog‘onasiga ko‘tarildi.
Erkaklar o‘rtasidagi bahslarda Sadriddin Saymatov (-67kg), Dostonbek Otabolayev (-75kg), Abdulaziz Otaboyev (-84kg), ayollar o‘rtasidagi turnirda esa Bahriniso Babayeva (-50kg) hamda Barno Mirzayeva (-61kg)lar oltin medal sohibiga aylandilar.
Ma’lumot uchun, ushbu nufuzli turnirda dunyoning 40ga yaqin mamlakatidan 700 nafarga yaqin sportchi ishtirok etdi.
