Bugun Yevropa chempionlar ligasining nimchorak finalidan o‘rin olgan ikki uchrashuv bo‘lib o‘tadi.

Ma’lumki, Toshkent vaqti bilan 00:45 da Kataloniyadagi “Nou Kamp” stadionida “Barselona” Londondan tashrif buyurgan “Chelsi”ni qabul qiladi.

Javob bahsi oldidan biroz ustunlikga ega bo‘lgan mezbonlar bosh murabbiyi Ernesto Valverde “Barselona”ning “Chelsi”ga qarshi o‘yinda maydonga tushishi mumkin bo‘lgan 21 nafar futbolchi ro‘yxatini taqdim etdi.

E’tiborli tomoni shundaki, “Barsa”ning ikki yetakchisi Andres Inyesta va Lionel Messi bugungi uchrashuv qaydnomasidan joy olishgan.

Ular jamoalariga o‘tgan o‘yinlarda ma’lum sabablarga ko‘ra, yordam bera olishmagandi.

Demak “Chelsi”ga qarshi o‘yinda mazkur futbolchilardan uzog‘i bilan 14 nafari maydonga tushishi kutilmoqda.

Darvozabonlar: Ter Shtegen, Sillessen, Ortola.

Himoyachilar: Pike, Alba, Din, Aleysh Vidal, Yumtiti, Yerri Mina, Vermalen, Serxi Roberto.

Yarim himoyachilar: Inyesta, Rakitich, Buskets, Paulinyo, Andre Gomesh, Denis Suares.

Hujumchilar: Luis Suares, Lionel Messi, Usmon Dembele, Pako Alkaser.

Ma’lumot uchun, “Barselona” – “Chelsi” bahsi Toshkent vaqti bilan 00:45 da boshlanadi.