“Chelsi” klubining sobiq futbolchisi Mixael Ballak “Barselona” – “Chelsi” uchrashuvini boshqargan hakam Damir Skomina harakatlaridan norozi ekanligini yashirmadi. Eslatib o‘tamiz, Skomina “Chelsi” futbolchilariga penalti tepish imkoniyatini taqdim etmagandi.

“Hammasi yana o‘sha eski hakamlikdan iborat. Nimanidir o‘zgartirish kerak”, – deya yozadi Ballak ijtimoiy tarmoqdagi sahifasida.

Germaniyalik sobiq futbolchi “Chelsi” – “Barselona” uchrashuvning 2008/2009 yildagi yarim final o‘yinini eslab o‘tdi. O‘shanda norvegiyalik hakam Tom-Xenning Evrebe Kataloniya klubi foydasiga bir necha marta ishlab bergandi.