“Atletiko” klubi hujumchisi Diyego Kosta hali hamon “Chelsi” murabbiyi Antonio Kontedan xafa ekanligini ochiq-oydin ma’lum qildi.
Ispaniyalik futbolchi bugun bo‘lib o‘tgan “Barselona” – “Chelsi” o‘yinini ko‘rishga qaror qilib, Instagram’dagi sahifasiga londonliklarning tarkiblari suratini yukladi. Ammo bosh murabbiy Kontening nomini suratdan o‘chirib tashlagan.
Eslatib o‘tamiz, Konte mavsum yakunida Kostaga “Chelsi”da endi o‘rin yo‘qligi va o‘ziga boshqa jamoa izlashi haqida SMS xabarni yuborgandi.
