“Barselona” klubi hujumchisi Lionel Messi “Chelsi”ga qarshi uchrashuv (3:0) dan so‘ng o‘z fikrlarini bildirib o‘tdi.

“Bunday ajoyib turnirda 100 ta gol urganimdan xursandman, lekin asosiysi biz jiddiy raqibni yengib maqsadimizga erishdik. Erta gol urishni uddaladik, barchasi bunday bo‘lganidan baxtiyorman. Biz bugungi qiyin o‘yinda kuchli o‘yin ko‘rsatdik. So‘nggi goldan keyin o‘yin biz tomonga hal bo‘lganini sezdik.

Konte men haqimda nima deganini bilmayman, ammo uning iliq fikr bildirganini aytib berishdi. Endi “Barselona” chorak finalda o‘ynaydi”, — dedi Messi.