“Барселона” клуби ҳужумчиси Лионель Месси “Челси”га қарши учрашув (3:0) дан сўнг ўз фикрларини билдириб ўтди.

“Бундай ажойиб турнирда 100 та гол урганимдан хурсандман, лекин асосийси биз жиддий рақибни енгиб мақсадимизга эришдик. Эрта гол уришни уддаладик, барчаси бундай бўлганидан бахтиёрман. Биз бугунги қийин ўйинда кучли ўйин кўрсатдик. Сўнгги голдан кейин ўйин биз томонга ҳал бўлганини сездик.

Конте мен ҳақимда нима деганини билмайман, аммо унинг илиқ фикр билдирганини айтиб беришди. Энди “Барселона” чорак финалда ўйнайди”, — деди Месси.