AGMKga qarshi uchrashuvga hozirlikni davom ettirayotgan "Paxtakor" himoyachisi Farruh Sayfiyev bo‘lajak o‘yin xususida fikrlarini bildirdi.
- Yakshanba kungi bellashuvga juda yaxshi tayyorgarlik ko‘ryapmiz. Barcha futbolchilar mashg‘ulotlarda bor kuchi bilan ishlashga intilmoqda. Avvalgi o‘yinda yo‘l qo‘yilgan xatolarni takrorlamaslikka intilamiz. Umid qilamanki, muxlislarga chiroyli g‘alaba taqdim eta olamiz. Jamoa shuning uchun bor imkoniyati bilan ishlamoqda.
AGMK tarkibi yaxshi shakllangan. Ular istalgan jamoaga qarshi jiddiy qarshilik ko‘rsatib, ijobiy natijaga erishishlari mumkin. Ushbu jamoani hurmat qilamiz. Lekin oldimizga qo‘yilgan maqsad - g‘alaba sari borimizni ishga solamiz. Bu safar ishqibozlarimizga xursandchilik tuhfa etish niyatidamiz.
