Matbuot anjumanida "Paxtakor"ning o‘yindagi eng yaxshi futbolchisi Tiago Bezerra uchrashuv xususida fikrlarini bildirdi.
Tiago Bezerra: - O‘yinni juda yaxshi boshladik va dastlabki 25-30 daqiqa ichida uchrashuv taqdirini hal etishimiz mumkin edi. Juda kerakli g‘alabani tantana qildik. Uyda g‘alaba qozonish juda ham muhim. Bugun katta farq bilan yutmadik, ammo zarur bo‘lgan 3 ochkoni qo‘lga kiritdik. FIFA kunlari bois yuzaga kelayotgan tanaffusda yanada jiddiyroq ishlab, kelgusi uchrashuvlarga hozirlik ko‘ramiz.
Turkiyada men ko‘proq individual harakatlarimni ishga solib, o‘zim uchun o‘ynaganman. Bu yerda esa asosan jamoa uchun o‘ynayotganim bois hali to‘liq imkoniyatimni namoyish eta olmayapman. Men ko‘proq murabbiy mendan talab qilayotgan va u istayotgan o‘yinni ko‘rsatishga harakat qilaman. Jamoaviy kuchli bo‘lgan holda sovrinlarga erishish mumkin.
