"Barselona" bosh murabbiyi Ernesto Valverde jamoasining Ispaniya chempionati, mamlakat kubogi va chempionlar ligasi g‘olibligi uchun imkoniyatlari haqida mulohaza bildirdi.
"Odamlar "Barselona"dan trebl kutayotganidan qo‘rqmayman. Ular bizning barcha musobaqalarda g‘olib chiqishga imkoniyatimiz bor, deb hisoblashmoqda, ammo "Barselona" bundan ancha yiroqda. G‘alaba qozonsangiz hissiyot birinchi o‘ringa chiqadi va aksincha, yutqazsangiz yo durang o‘ynasangiz - ikkinchi o‘ringa.
Ispaniya chempionatini mag‘lubiyatsiz tugatishni istayman, ammo bu haqida hozir gapirishning ne hojati bor? Biz navbatdagi o‘yinda mag‘lub bo‘lishimiz mumkin. Bizni mavsumning qiyin yakuni kutmoqda. Ammo hozirgi formamizni saqlay olsak, maqsadlarimizga yaqinlashamiz", - deydi Valverde.
