"Барселона" бош мураббийи Эрнесто Вальверде жамоасининг Испания чемпионати, мамлакат кубоги ва чемпионлар лигаси ғолиблиги учун имкониятлари ҳақида мулоҳаза билдирди.
"Одамлар "Барселона"дан требль кутаётганидан қўрқмайман. Улар бизнинг барча мусобақаларда ғолиб чиқишга имкониятимиз бор, деб ҳисоблашмоқда, аммо "Барселона" бундан анча йироқда. Ғалаба қозонсангиз ҳиссиёт биринчи ўринга чиқади ва аксинча, ютқазсангиз ё дуранг ўйнасангиз - иккинчи ўринга.
Испания чемпионатини мағлубиятсиз тугатишни истайман, аммо бу ҳақида ҳозир гапиришнинг не ҳожати бор? Биз навбатдаги ўйинда мағлуб бўлишимиз мумкин. Бизни мавсумнинг қийин якуни кутмоқда. Аммо ҳозирги формамизни сақлай олсак, мақсадларимизга яқинлашамиз", - дейди Вальверде.
