“Atletiko” klubi bosh murabbiyi Diyego Simeone dushanba kuni Madridda “Yuventus” hujumchisi Paulo Dibala bilan uchrashdi. Uchrashuv Ispaniya poytaxtidagi restoranlardan birida bir soatdan ortiq bo‘lib o‘tgan.
Ma’lumotlarga ko‘ra, Simeone Dibala bilan uning “Atletiko”ga o‘tish masalasi haqida gaplashgan.
Eslatib o‘tamiz, madridliklar hujumchisi Antuan Grizmann katta ehtimol bilan yozda jamoani tark etadi. Paulo esa “Atletiko”da Grizmann o‘rnini bosishi mumkin. Ammo argentinalik futbolchining narxi (100 million yevro) Antuandan ham qimmatroq hisoblanadi.
