«Sport-Ekspress» nashrining maxsus muxbiri Syurixga tashrif buyurib, FIFAning sobiq prezidenti Yozef Blatter bilan suhbat uyushtirdi.
Shu o‘rinda aytish joiz, o‘tgan haftada Blatter 82 yoshini qarshi oldi. Rossiyalik jurnalistlar bilan suhbat chog‘ida shveysariyalik funksioner qiziq voqyealar haqida gapirib o‘tdi.
- Britaniyalik siyosiy yetakchilardan biri Boris Jonson JCH-2018ga hujum qildi. U BRB (Rossiya bosh razvedka boshqarmasi)ning sobiq polkovnigi Skripalning rossiyaliklar tomonidan zaharlanganligi aniqlansa, jahon chempionati «boykot» qilinishini aytgandi.
Inglizlar terma jamoalari emas, gap rasmiy shaxs haqida ketayotganini ma’lum qilishdi. Bu qanchagacha davom etishi mumkin?
- Bunday insonlar Rossiya haqida ko‘p narsalarni gapirishdi... Yaqinda bo‘lib o‘tgan Olimpiadadagi muammolar... Shu narsani aniq aytaman: jahon chempionatini hech kim olib qo‘yolmaydi. Turnirning final bosqichiga chiqqan jamoalar o‘ynashadi.
- Demak, Rossiyadan jahon chempionatini olib qo‘yishning imkoniyati yo‘qmi?
- Yo‘q. Bilsangiz, futbol - katta hodisa. Bu sport turiga deyarli ikki milliard inson bog‘liq. Jahon chempionati esa birinchi raqamlidir. U olimpiya o‘yinlaridan yuqori turadi.
Olimpiada ikki hafta davom etadi. Futbol bo‘yicha jahon chempionati esa bir oy. Endi bunga qancha tayyorgarlik ko‘rilishini tasavvur qiling. Qaytaraman, JCH-2018 Rossiyada bo‘lib o‘tadi.
- JCH musobaqasini Rossiyadan tortib olishga urinishlar, sizningcha, qanchalik jiddiy? So‘zlar, hissiyotlar ko‘p bo‘lganmi yoki aniq xavf bormidi?
- Jahon chempionatini bekor qilish yoki ko‘chirish haqida qaror qiladigan yagona tashkilot - bu FIFA. FIFA va Rossiya o‘rtasidagi munosabatlarni hamma bildi - yaqinda ko‘rsatilgan videorolikda Janni Infantino va Vladimir Putin futbol o‘ynadilar.
- «Antirossiya» kayfiyatlarning borligi achinarli. Bilasizmi, JCH-2018 va JCH-2022 musobaqalari Rossiya va AQShda o‘tishini xohlagandim. Agar ijroiya qo‘mitasi meni qo‘llab-quvatlaganida, shunday bo‘lardi ham.
Ammo AQShning o‘rniga Qatarni tanladilar. Bunga Fransiyaning o‘sha vaqtdagi prezidenti Nikolya Sarkozi va Platini sabab bo‘lganlar. Ular tufayli aksariyat ovoz qatarliklar tomon o‘tib ketdi.
- Futbol orqali bu ikki davlatni birlashtirish qanday bo‘lardi, tasavvur qilasizmi? Qaytaraman, FIFAda jahon chempionati Rossiyada o‘tishiga hech kim to‘sqinlik qilmagan.
- Faqat inglizlar hali tinchlanishmadi.
- Ular o‘zi shunaqa. Menga ham ko‘p bor qarshi chiqishgan va chiqishyapti. Ularni hech nima qoniqtirmaydi. Inglizlar mag‘lub bo‘lishni bilishmaydi.
- Jahon chempionatida Moskvaga tashrif buyurasizmi yoki Sankt-Peterburgga?
- Mamlakatingiz rahbaridan taklif olganman. Ammo ochilish marosimi yoki finalga taklif qiladimi, buni bilmayman. Axir u yoki bu o‘yinni ko‘rmoqchiman, deb talab qilolmayman-ku. Vladimir Vladimirovichning faxriy mehmoni sifatida tashrif buyuraman.
- Aytgancha, otangizning ismi...
- Men Yozef Yozefovichman (kuladi).
- Siz jismoniy shaxs sifatida tashrif buyurasizmi?
- Jismoniy shaxs emas, balki FIFAning sobiq prezidenti sifatida boraman. Garchi meni futboldan vaqtinchalik chetlatishgan bo‘lsa ham.
- Xabarlarga qaraganda, diskvalifikasiyangizni bekor qilishlariga jiddiy bel bog‘labsiz.
- Jarayon davom etmoqda. Umid qilamanki, hammasi jahon chempionati boshlangunga qadar hal bo‘ladi.
- Imkoniyatlar ijobiy yakunlanishi mumkinmi?
- Meni biror-bir sudning hukmiga binoan chetlatishmagan. Xuddi hakam, futbolchi yoki murabbiylarni chetlatgandek diskvalifikasiya qilishgan. Buni bekor qilishga intilyapmiz.
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
