O‘zbekiston olimpiya terma jamoasi bugun Keniyaga qarshi o‘rtoqlik o‘yinlarini o‘tkazish uchun Farg‘ona shahriga yo‘l olgandi. 

Kunning ikkinchi yarmida Ravshan Haydarov boshchiligadi olimpiya terma jamoasi a’zolari Farg‘onaga yetib borishdi. Futbolchilarni Farg‘ona viloyati futbol federasiyasi mas’ullari, yosh sportchilar, mahalliy ishqibozlar va OAV vakillari katta tantana bilan kutib olishdi.   

O‘zbekiston olimpiya terma jamoasi vakillari Farg‘onadagi “Asia” mehmonxonasiga joylashishdi. Ular bugundan mashg‘ulotlarga kirishishadi. 

Eslatib o‘tamiz, Keniya OTJga qarshi O‘zbekiston olimpiya terma jamoasining 1-o‘rtoqlik uchrashuvi 23 mart kuni Andijon shahridagi “Sog‘lom avlod” stadionida, ikkinchi o‘yin esa Farg‘onadagi “Istiqlol” stadionida soat 20:00da boshlanadi.