Ispaniya terma jamoasi posbonlari David de Hea va Pepe Reyna, shuningdek Germaniya termasi posboni Mark-Andre ter Shtegen Rossiyada bo‘lib o‘tadigan jahon chempionatida o‘ynaladigan to‘pdan norozi bo‘lishdi.
"Bu to‘p bilan darvozabonlarda muammolar ko‘p bo‘ladi. U haqiqatan juda g‘alati. Bundan ham yaxshiroq yasashlari mumkin edi", - deydi de Hea
"Bu to‘p bilan jahon chempionatida arima to‘plaridan kamida 35 ta gol bo‘lishiga ishonaman. U bilan ishlab bo‘lmaydi. Bu to‘p plastik plyonka bilan qoplangan, uni qo‘lda tutib turish qiyin. Vaqt borligida buni to‘g‘irlash kerak", - deydi Reyna.
"Bundan ham yaxshiroq yasashlari mumkin edi. Ammo biz unga jahon chempionati boshlanmasidan tezroq ko‘nikishimz kerak deb o‘ylayman. Bizda boshqa iloj yo‘q", - deydi ter Shtegen.
