Ochig‘ini aytsam, futbolimizning yangi rahbariyati katta islohotlarga qo‘l urgach, bunga jiddiy qaramagandim. Ya’ni milliy chempionat tizimining  o‘zgartirilishi saviyaga katta ta’sir o‘tkazishiga ishonmagandim.

Superliganing ilk turlaridan keyinoq bu boradagi fikrim o‘zgardi. Futbolimiz chindan ham, islohotga ehtiyoj sezayotgan ekan. Ha, hozirdan xulosa chiqarish yaramaydi, loaqal birinchi davra oxirini kutish kerak.

Ammo bitta jihatni alohida ta’kidlash shart: muxlislar stadionlarga qayta boshlashdi va shuning o‘zi katta yutuq! Toshkentdagi o‘yinda 20 mingdan ko‘p tomoshabin - buni kim kutgandi? Ishoning, muxlislar tashrifi qanchalik oshsa, chempionat saviyasi shunchalik ko‘tariladi.

Zero, bo‘m-bo‘sh tribunalar ostida va muxlislar bilan «tirik» stadionda to‘p surish o‘rtasida kattagina farq bor. O‘ylaymanki, O‘FA harakatlarni sira susaytirmaydi va o‘zgarishlar shamoli yanada kuchayadi.

Faqat jamoalar rahbarlari, murabbiy va futbolchilar muxlislarni talab darajasida qadrlashsa, bas. Qadrlashning eng ma’qul yo‘li - bu chiroyli va hujumkor futbol!

Usmon XONAZAROV, Shayxontohur tumani.