O‘zbekiston birinchi ligasi o‘rnida tashkil qilingan PRO-ligada ishtirok etuvchi jamoalarning qariyb barchasi hech bo‘lmaganda badal pullaridan qarzi bor. Bu haqda musobaqaga qurr’a tashlash marosimida ma’lum qilindi.
Hozirda uchta jamoada o‘tgan yilgi qarzlar ham qolib ketgan. Jumladan «Xorazm» 7,5 million jarima va 10 million badal puli to‘lanmagan. «Zomin» 14,5 million jarima 1,1 million badal puli to‘lanmagan. «Xotira-79» 3,2 million jarima va 800 ming so‘m badal puli to‘lanmagan.
Joriy mavsumdagi badal pullarini esa faqatgina «Andijon» klubi to‘liq, hattoki 10 million so‘m ortig‘i bilan to‘lab bergan. Ammo qolgan klublarning hech biri badal pulini to‘liq to‘lamagan. Olingan ma’lumotlarga ko‘ra, ligada ishtirok etayotgan klublarning yarmidan ko‘pi hali umuman bu to‘lovni amalga oshirmagan.
