Ўзбекистон биринчи лигаси ўрнида ташкил қилинган ПРО-лигада иштирок этувчи жамоаларнинг қарийб барчаси ҳеч бўлмаганда бадал пулларидан қарзи бор. Бу ҳақда мусобақага қурръа ташлаш маросимида маълум қилинди.

Ҳозирда учта жамоада ўтган йилги қарзлар ҳам қолиб кетган. Жумладан «Хоразм» 7,5 миллион жарима ва 10 миллион бадал пули тўланмаган. «Зомин» 14,5 миллион жарима 1,1 миллион бадал пули тўланмаган. «Хотира-79» 3,2 миллион жарима ва 800 минг сўм бадал пули тўланмаган.

Жорий мавсумдаги бадал пулларини эса фақатгина «Андижон» клуби тўлиқ, ҳаттоки 10 миллион сўм ортиғи билан тўлаб берган. Аммо қолган клубларнинг ҳеч бири бадал пулини тўлиқ тўламаган. Олинган маълумотларга кўра, лигада иштирок этаётган клубларнинг ярмидан кўпи ҳали умуман бу тўловни амалга оширмаган.