O‘FAning taqvim rejasiga asosan Qashqadaryo viloyatida 14 yoshgacha bo‘lgan qizlar o‘rtasida min-futbol bo‘yicha Respublika musobaqasi bo‘lib o‘tdi. Bu kabi turnir ilk marta o‘tkazilayotganini ham ta’kidlab o‘tish zarur.
Maqsad yurtimizdagi qizlar o‘rtasida mini futbolni ommalashtirish va rivojlantirish hamda shu yo‘l orqali sog‘lom turmush tarzini targ‘ib qilishdan iborat.
Musobaqalar Qarshi shahridagi “Geolog” nomli markaziy sog‘lomlashtirish markazida bo‘lib o‘tdi. Turnirda jami 7ta term jamoa ishtirok etdi: Qashqadaryo, Xorazm, Sirdaryo, Jizzax, Andijon, Navoiy viloyatlari va Qoraqalpog‘iston Respublikasi.
Qizg‘in kechgan bahslar natijasida Qashqadaryo viloyati terma jamoasi 1-o‘rinni egalladi, Qoraqalpog‘iston Respublikasi va Andijon viloyatlari esa ikkinchi va uchinchi o‘rinlarni qo‘lga kiritishdi.
Sovrinli o‘rinlarni olgan jamoalar medal, diplom, Kubok va esdalik sovg‘alari bilan taqdirlanishdi.
