ЎФАнинг тақвим режасига асосан Қашқадарё вилоятида 14 ёшгача бўлган қизлар ўртасида мин-футбол бўйича Республика мусобақаси бўлиб ўтди. Бу каби турнир илк марта ўтказилаётганини ҳам таъкидлаб ўтиш зарур.
Мақсад юртимиздаги қизлар ўртасида мини футболни оммалаштириш ва ривожлантириш ҳамда шу йўл орқали соғлом турмуш тарзини тарғиб қилишдан иборат.
Мусобақалар Қарши шаҳридаги “Геолог” номли марказий соғломлаштириш марказида бўлиб ўтди. Турнирда жами 7та терм жамоа иштирок этди: Қашқадарё, Хоразм, Сирдарё, Жиззах, Андижон, Навоий вилоятлари ва Қорақалпоғистон Республикаси.
Қизғин кечган баҳслар натижасида Қашқадарё вилояти терма жамоаси 1-ўринни эгаллади, Қорақалпоғистон Республикаси ва Андижон вилоятлари эса иккинчи ва учинчи ўринларни қўлга киритишди.
Совринли ўринларни олган жамоалар медаль, диплом, Кубок ва эсдалик совғалари билан тақдирланишди.
