O‘zbekiston terma jamoasi mart oyidagi FIFA kunlarida o‘zining Afrikadagi ikkinchi o‘rtoqlik uchrashuvini o‘tkazdi. Vakillarimiz Kasablanka shahrida mezbon — Marokash terma jamoasiga qarshi bahs olib borishdi.

Kapadze bu safar 4 kun avval o‘tkazilgan Senegalga qarshi o‘yinda maydonga tushmagan futbolchilarga imkon berishga qaror qildi. Afrikaliklar bahsning 3-daqiqasidayoq hisobni ochishga muvaffaq bo‘lishdi. Ayyub El-Kaabiy bosh bilan hisobni ochishga muvaffaq bo‘ldi.

Tanaffusga qadar ustunlik asosan maydon egalari tomonida bo‘ldi. Bo‘lim tugashiga 2 daqiqa qolganida burchakdan yetkazilgan uzatmani Manuel da Kosta bosh bilan darvozamizga joylab qo‘ydi.

Ikkinchi 45 daqiqalikda o‘zbekistonliklar ancha uyushgan holda harakat qilishdi, ammo bu kecha bizga gol urish nasib etmadi.

Shu tariqa, O‘zbekiston terma jamoasining Afrikadagi safari bitta durang va bitta mag‘lubiyat bilan yakuniga yetdi.

Xalqaro o‘rtoqlik o‘yini
MAROKASH - O‘ZBEKISTON - 2:0 (2:0)
Gollar: A.El-Kaabiy (3), M.Dakosta (42)
O‘zbekiston: Eldorbek Suyunov, Shuhrat Muhammadiyev, Sherzod A’zamov, Rustam Ashurmatov, Oleg Zoteev (Akrom Komilov 76), Fozil Musayev (Odil Hamrobekov 43), Javohir Sidiqov, Ikrom Aliboyev (Otabek Shukurov 69), Sardor Rashidov (Sardor Mirzayev 51), Jaloliddin Masharipov, Marat Bikmayev (Temurxo‘ja Abduxoliqov 51).