Bugun yoshlar ligasining 4-tur doirasidagi “Nasaf” – “Metallurg” uchrashuvi bo‘lib o‘tadi. Uchrashuv “Geolog” stadionida soat 16:30da boshlanadi.

Yoshlar ligasi-2018. 4-tur

“Nasaf” (Qarshi) – “Metallurg” (Bekobod)

29.03.2018. “Geolog” stadioni. 16:30da

Uchrashuv hakami: Dmitriy Klepikov (Toshkent)

Nazoratchi: Radik Serazetdinov (Toshkent)

Uchrashuv komissari: Sardor Qudratullayev

Yoshlarimiz hisobida hozircha 4 ochko bor. O‘tgan uch uchrashuvda bitta g‘alaba, bitta durang va bitta mag‘lubiyat qayd etilgan.

“Metallurg” yoshlari o‘tkazilgan 3 uchrashuvda ham g‘alaba qozongan va 9 ochko jamg‘arishgan.

Mazkur jamoalarning o‘tgan yilgi bahslariga nazar tashlasak, afsuski jamoamiz bekobodliklarni mag‘lub eta olishmagan.

Yoshlarimiz bugungi raqibini so‘nggi bor, 2016 yili Bekobodda mag‘lub etgan. Bu uchrashuv yoshlar ligasining 9-tur doirasida bo‘lib o‘tgan.  

Bugungi uchrashuv yoshlarimizning o‘z maydonidagi ikkinchi uchrashuvi bo‘ladi. Jamoamiz o‘z maydonidagi dastlabki g‘alabasini nishonlash uchun maydonga tushishi turgan gap. Yoshlarimizga  omad va zafar tilab qolamiz.

Ko‘rib turganingizdek, bugungi uchrashuvni oldindan qiziqarli va murosasiz o‘tishini taxmin qilsa bo‘ladi.

Shunday ekan uchrashuvni o‘tkazib yubormang. “Geolog” stadioniga tashrif buyuring.