Бугун ёшлар лигасининг 4-тур доирасидаги “Насаф” – “Металлург” учрашуви бўлиб ўтади. Учрашув “Геолог” стадионида соат 16:30да бошланади.

Ёшлар лигаси-2018. 4-тур

“Насаф” (Қарши) – “Металлург” (Бекобод)

29.03.2018. “Геолог” стадиони. 16:30да

Учрашув ҳаками: Дмитрий Клепиков (Тошкент)

Назоратчи: Радик Серазетдинов (Тошкент)

Учрашув комиссари: Сардор Қудратуллаев

Ёшларимиз ҳисобида ҳозирча 4 очко бор. Ўтган уч учрашувда битта ғалаба, битта дуранг ва битта мағлубият қайд этилган.

“Металлург” ёшлари ўтказилган 3 учрашувда ҳам ғалаба қозонган ва 9 очко жамғаришган.

Мазкур жамоаларнинг ўтган йилги баҳсларига назар ташласак, афсуски жамоамиз бекободликларни мағлуб эта олишмаган.

Ёшларимиз бугунги рақибини сўнгги бор, 2016 йили Бекободда мағлуб этган. Бу учрашув ёшлар лигасининг 9-тур доирасида бўлиб ўтган.  

Бугунги учрашув ёшларимизнинг ўз майдонидаги иккинчи учрашуви бўлади. Жамоамиз ўз майдонидаги дастлабки ғалабасини нишонлаш учун майдонга тушиши турган гап. Ёшларимизга  омад ва зафар тилаб қоламиз.

Кўриб турганингиздек, бугунги учрашувни олдиндан қизиқарли ва муросасиз ўтишини тахмин қилса бўлади.

Шундай экан учрашувни ўтказиб юборманг. “Геолог” стадионига ташриф буюринг.