«Andijon» klubining tarkibida e’tiborga molik o‘zgarishlar bo‘lgani kabi murabbiylar shtabida ham yangilanishlar sodir bo‘lganidan xabaringiz bor. Jamoa bosh murabbiyi Eldor Sakayev o‘ziga ma’qul mutaxassislarni o‘z shtabiga chorladi. Ana shunday mutaxassislardan biri Ahmad Ubaydullayevdir.

Yurtimiz futbolida o‘z mavqeiga ega bo‘lgan Ahmad Inoyatovich tajribali murabbiylardan biri hisoblanadi. O‘z vaqtida Ubaydullayev O‘zbekiston yoshlar terma jamoasi bilan xalqaro maydonlarda ishtirok etib muvaffaqiyatlarga erishgan. Uning oxirgi ish joyi Bekobodning «Metallurg» jamoasi edi. Endi esa Sakayev va Ubaydullayev tandemi «Andijon»da o‘z faoliyatini boshladi.

Darvoqe, Eldor Sakayevga shuningdek, yordamchi murabbiy Diyor Mirzaboyev va darvozabonlar murabbiyi Qobil Olimjonov yaqindan yordamlashmoqda.