“Liverpul” va “Manchester Siti” Yevrokuboklarda ilk bor to‘qnash kelishyapti, ammo ichki chempionatda 178 marta ro‘baro‘ bo‘lishgan. Bu o‘yinlarning 87 tasida “Liverpul”, 45 tasida “Manchester Siti” g‘alaba qozongan. 46 ta o‘yinda durang qayd etilgan.

Bu ikki klub uchinchi bor ikkita o‘yindan iborat qarama-qarshilikka duch kelishyapti. Dastlabki ikki o‘yinlik to‘qnashuv Angliya liga kubogi doirasida bo‘lib o‘tgan (1980-1981 yillardagi mavsumda) va unda “mersisaydliklar” 2:1 hisobida zafar quchishgan. Ikkinchi ikki o‘yinlik to‘qnashuv ham aynan shu turnirga to‘g‘ri kelgan. 2011-2012 yilgi bahslarda “Liverpul” 3:2 hisobida g‘alaba qozongan. Qizig‘i, ana shu turnirlarda “Liverpul” bosh sovrinni qo‘lga kiritgan.

“Liverpul” tarixda YECHL 1/4 finalida 13 ta to‘qnashuvdan 10 tasida zafar quchgan:

2008/2009 “Chelsi”— mag‘lubiyat —5:7 (1:3 uy, 4:4 mehmonda)

2007/2008 “Arsenal”—g‘alaba — 5:3 (1:1 mehmonda, 4:2 uy)

2006/2007 “PSV”— g‘alaba —4:0 (3:0 mehmonda, 1:0 uy)

2004/2005 “Yuventus”—g‘alaba — 2:1 (2:1 uy, 0:0 mehmonda)

1984/1985 "Austriya" — g‘alaba— 5:2 (1:1 mehmonda, 4:1 uy)

1983/1984 "Benfika" — g‘alaba — 5:1 (1:0 uy, 4:1 mehmonda)

1982/1983 "Vidzev" — mag‘lubiyat— 3:4 (0:2 mehmonda, 3:2 uyda)

1981/1982 SSKA Sofiya — mag‘lubiyat —1:2 (1:0 uy, 0:2 mehmonda)

1980/1981 SSKA Sofiya —g‘alaba 6:1 (5:1 uy, 1:0 mehmonda)

1977/1978 "Benfika" —g‘alaba — 6:2 (2:1 mehmonda, 4:1 uy)

1976/1977 "Sent-Etyen" —g‘alaba — 3:2 (0:1 mehmonda, 3:1 uy)

1964/1965 "Keln" — g‘alaba— 2:2 (qur’a tashlash yo‘li bilan), (0:0 mehmonda, 0:0 uyda)

“Liverpul” ingliz klublariga qarshi bo‘lib o‘tgan oxirgi sakkizta ikki o‘yinlik to‘qnashuvning 5 tasida zafar quchgan (2005-2006 yilgi YEL guruh bosqichidagi ikki o‘yinlik to‘qnashuv inobatga olinmagan). Oxirgi marta “Liverpul” Yevropa ligasi 1/8 finalida “Manchester Yunayted”dan ustun kelgan(2:0 uyda, 1:1 mehmonda).