Superliganing 4-tur doirasida kechgan «Bunyodkor» - «Buxoro» uchrashuvidan so‘ng matbuot anjumani bo‘lib  o‘tdi. Unda «Buxoro» ustozi Ulug‘bek  Baqoyev o‘yin xakidagi fikrlari bilan o‘rtoqlashdi.

- Avvalo, «Bunyodkor»ni bugungi g‘alabasi bilan tabriklayman. O‘yin qiziq o‘tdi. Ularda ham, bizda ham juda yaxshi vaziyatlar ko‘p bo‘ldi. Menimcha, biz shu vaziyatdan oqilona foydalana olmaganimiz uchun bugungi o‘yinda yutkazdik. Keyingi o‘yinlarda bu kamchiliklarni bartaraf qilishga astoydil kirishamiz.

Shavkat Salomov: - Raqib jamoani bugungi g‘alabasi bilan tabriklayman. O‘ylaymanki, bizni jamoa ham yomon o‘yin ko‘rsatmadi. Ikkinchi bo‘limda sal bo‘shashdik, chamamda va bugun bizga omad yetishmadi, xolos".