"Xetafe" yarimhimoyachisi Matye Flamini o‘zining dunyoda eng boy futbolchi va milliarder ekani haqidagi xabarlarga izoh berdi.

Avvlroq, Flamini 2008 yilda levulin kislotasi ishlab chiqarishga ixtisoslashgan Pasquale Granata GF Biochemicals biokimyo kompaniyasiga asos solgani haqida xabarlar tarqalgan edi. Bu moddaga neft o‘rnini ehtimoliy bosuvchi sifatida qaraladi. Mish-mishlarga ko‘ra, bu firma Flaminiga 30 milliard yevro keltirgan.

- Demak, siz dunyoning eng boy futbolchisisiz?

- Bu yerda aniqlik kiritish kerak. O‘qiganlarimga qarshi o‘laroq, mening bank hisob-raqamimda 30 milliard yevro yo‘q. bu summa mening GF Biochemicals kompaniyam bahosiga to‘g‘ri kelmaydi.

Aslida bu biz o‘zimiz ishlab chiqargan yangi texnologiya bilan hudum qilmoqchi bo‘lgan bozorni umumiy narxi edi. Tushunmovchilik bo‘lgan. Bu bir restoran bahosi bilan butun Fransiyaning umumiy ovqatlanish tarmog‘i bilan tenglashtirishga o‘xshaydi.

– Agar GF Biochemicals bu bozorda o‘z o‘rnini topib ketsa, futbolchilik faoliyatingizdan ko‘ra, ko‘proq mablag‘ ishlab topasizmi?

– Agar shunday bo‘lsa, bu bilan faxrlangan bo‘lar edim. Ammo bu maqsadga yetish uchun ko‘p ishlarni bajarish kerak.

– Ya’ni, agar to‘g‘ri tushunayotgan bo‘lsak, siz hozir milliarder emassiz?

– O‘, mutlaqo yo‘q. Buni shunday yetkazishgani uchun uzr so‘rayman, chunki bu ishni boyish uchun boshlaganim yo‘q. Mening har doimgi maqsadim atrofdagilarga yordam berish bo‘lgan", - deydi Flamini.