"Хетафе" яримҳимоячиси Матье Фламини ўзининг дунёда энг бой футболчи ва миллиардер экани ҳақидаги хабарларга изоҳ берди.

Аввлроқ, Фламини 2008 йилда левулин кислотаси ишлаб чиқаришга ихтисослашган Pasquale Granata GF Biochemicals биокимё компаниясига асос солгани ҳақида хабарлар тарқалган эди. Бу моддага нефт ўрнини эҳтимолий босувчи сифатида қаралади. Миш-мишларга кўра, бу фирма Фламинига 30 миллиард евро келтирган.

- Демак, сиз дунёнинг энг бой футболчисисиз?

- Бу ерда аниқлик киритиш керак. Ўқиганларимга қарши ўлароқ, менинг банк ҳисоб-рақамимда 30 миллиард евро йўқ. бу сумма менинг GF Biochemicals компаниям баҳосига тўғри келмайди.

Аслида бу биз ўзимиз ишлаб чиқарган янги технология билан ҳудум қилмоқчи бўлган бозорни умумий нархи эди. Тушунмовчилик бўлган. Бу бир ресторан баҳоси билан бутун Франциянинг умумий овқатланиш тармоғи билан тенглаштиришга ўхшайди.

– Агар GF Biochemicals бу бозорда ўз ўрнини топиб кетса, футболчилик фаолиятингиздан кўра, кўпроқ маблағ ишлаб топасизми?

– Агар шундай бўлса, бу билан фахрланган бўлар эдим. Аммо бу мақсадга етиш учун кўп ишларни бажариш керак.

– Яъни, агар тўғри тушунаётган бўлсак, сиз ҳозир миллиардер эмассиз?

– Ў, мутлақо йўқ. Буни шундай етказишгани учун узр сўрайман, чунки бу ишни бойиш учун бошлаганим йўқ. Менинг ҳар доимги мақсадим атрофдагиларга ёрдам бериш бўлган", - дейди Фламини.