APL 32-turidan o‘rin olgan “Arsenal” va “Stok Siti” o‘rtasidagi o‘yin yakuniga yetdi. Unda “kanonirlar” yirik 3:0 hisobida zafar quchishdi.

Barcha gollar ikkinchi bo‘limda kiritildi. Dastlab Obameyang belgilangan penaltidan hisobni ochgan bo‘lsa, keyin yana uning o‘zi ikkinchi golga ham mualliflik qildi. O‘yindagi yakuniy gol zaxiradan maydonga tushgan Aleksandr Lyakazett tomonidan urildi. U hakam tomonidan belgilangan o‘yindagi 2-penaltidan unumli foydalandi.

«Arsenal» – «StokSiti» – 3:0 (0:0)

Gollar: Obameyang 75(pen),Obameyang 86,Lyakazett 89(pen).

«Arsenal»: Ospina, Belyerin, Chembers, Mustafi, Monreal, El-Nenni (Jaka 76), Uilshir (Mxitaryan 76), Remzi, Ozil, Uelbek (Lyakazett 61), Obameyang.

 «Stok Siti»: Batlend, Jonson, Shoukross, Martins-Indi, Piters, Bauer, Ndiaye, Allen, Sobxi (Krauch 80), Diuf (Beraino 61), Shakiri.