Bugun, Birlashgan Arab Amirliklari poytaxti Abu Dabidagi “Grand Millennium Al Wahda” majmuasida Osiyo Chempionlar Ligasi guruh bosqich 5-tur o‘yinlari doirasidan o‘rin olgan “Al Vahda” – “Lokomotiv” uchrashuvi oldidan har ikki jamoa rasmiylari ishtirokida yig‘ilish bo‘lib o‘tdi.
Unda uchrashuv tashkiliy masalalari muhokama qilindi. Shuningdek, ertangi o‘yinda qaysi jamoa qanday rangdagi libosda maydonga chiqishi aniqlab olindi. Unga ko‘ra, “Lokomotiv” bu safar oq-yashil-oq formadan foydalanadigan bo‘ldi. Jamoamiz darvozaboni esa qora rangli forma, binafsharang shorti va getri kiyadigan bo‘ldi. Mezbonlar esa o‘zlarining an’anaviy qizg‘ish rangdagi formasida maydonga chiqishadi. Formaning pastki qismi va getrilar qora rangda bo‘ladi. “Al Vahda” darvozaboni esa to‘liq ko‘k rangli libos kiyadi.
Eslatib o‘tamiz, “Al Vahda” – “Lokomotiv” uchrashuvi ertaga, 3 aprel sanasida bo‘lib o‘tadi. O‘yin Toshkent vaqti bilan soat 20:10da start oladi.
