OCHL V guruhida "Al-Vahda" - "Lokomotiv" uchrashuvi yakuniga yetdi.
Uchrashuvning 4-daqiqasida Sardor Mirzayev hisobni ochdi. O‘ng qanotdan uyushtirilgan hujumda Shuhrat Muhammadiyev jarima maydonchasi ichiga Sardorga ideal uzatma oshirdi, Mirzayev bir tepishda darvozani aniq nishonga oldi.
Birinchi bo‘lim oxirlarida Mirzayev hisobni 2:0ga yetkazdi. Sardor Mirzev chap qanotdan jarima to‘pini tepdi, yuqorilab kelgan to‘pga chiqishda Maxaradze raqib darvozabonini chalg‘itdi va to‘p darvozadan joy oldi.
55-daqiqada Nivaldo raqib jarima maydonchasi atrofida kurashda ikki raqibni yengdi, qulay vaziyatga chiqib kelayotgan Sanjar Shoahmedovni ko‘ra oldi va unga to‘p oshirdi. Sanjar mo‘ljalda adashmadi - 3:0.
88-daqiqada mezbonlar futbolchisi Ibrohim javob to‘pini kiritdi. Oradan bir daqqiqa o‘tar-o‘tmas Sardor Rashidovning harakatlari evaziga mezbonlar o‘z darvozalariga gol urib qo‘yishdi. Avtogol muallifi - Rashid.
Endi "temiryo‘lchilar" keyingi bosqichga chiqishlariuchun so‘nggi turda Toshkentda o‘tadigan o‘yinda "Zob Ohan"ni har qanday hisobda mag‘lub etishi kerak bo‘ladi.
OCHL, V guruhi. 5-tur
“Al Vahda” – “Lokomotiv” 1:4 (0:2)
Gollar: Ismoil (88) - S. Mirzayev (4, 39), S. Shoahmedov (55), Rashid (89-avtogol)
“Al Vahda”: Muhammad Al Shamsi, Ahmad Rashid, Al Menhali, Rim Chang Vo, Holid Aldahani, Hamdan Al Kamol, Nosir Abdulhodi, Ismoil Matar, Murad Batna, Sebastyan, Muhamad Al Akbari.
“Lokomotiv”: Ignatiy Nesterov, Islom To‘xtaxo‘jayev, Shuhrat Muhammadiyev, Kaxi Maxaradze, Sanjar Shoahmedov, Sadriddin Abdullayev, Ikrom Aliboyev, Sardor Mirzayev, Igor Yelich, Nivaldo, Marat Bikmayev.
