ОЧЛ В гуруҳида "Ал-Ваҳда" - "Локомотив" учрашуви якунига етди.
Учрашувнинг 4-дақиқасида Сардор Мирзаев ҳисобни очди. Ўнг қанотдан уюштирилган ҳужумда Шуҳрат Муҳаммадиев жарима майдончаси ичига Сардорга идеал узатма оширди, Мирзаев бир тепишда дарвозани аниқ нишонга олди.
Биринчи бўлим охирларида Мирзаев ҳисобни 2:0га етказди. Сардор Мирзев чап қанотдан жарима тўпини тепди, юқорилаб келган тўпга чиқишда Махарадзе рақиб дарвозабонини чалғитди ва тўп дарвозадан жой олди.
55-дақиқада Нивалдо рақиб жарима майдончаси атрофида курашда икки рақибни енгди, қулай вазиятга чиқиб келаётган Санжар Шоаҳмедовни кўра олди ва унга тўп оширди. Санжар мўлжалда адашмади - 3:0.
88-дақиқада мезбонлар футболчиси Иброҳим жавоб тўпини киритди. Орадан бир даққиқа ўтар-ўтмас Сардор Рашидовнинг ҳаракатлари эвазига мезбонлар ўз дарвозаларига гол уриб қўйишди. Автогол муаллифи - Рашид.
Энди "темирйўлчилар" кейинги босқичга чиқишлариучун сўнгги турда Тошкентда ўтадиган ўйинда "Зоб Оҳан"ни ҳар қандай ҳисобда мағлуб этиши керак бўлади.
ОЧЛ, В гуруҳи. 5-тур
“Ал Ваҳда” – “Локомотив” 1:4 (0:2)
Голлар: Исмоил (88) - С. Мирзаев (4, 39), С. Шоаҳмедов (55), Рашид (89-автогол)
“Ал Ваҳда”: Муҳаммад Ал Шамси, Аҳмад Рашид, Ал Менҳали, Рим Чанг Во, Ҳолид Алдаҳани, Ҳамдан Ал Камол, Носир Абдулҳоди, Исмоил Матар, Мурад Батна, Себасьтян, Муҳамад Ал Акбари.
“Локомотив”: Игнатий Нестеров, Ислом Тўхтахўжаев, Шуҳрат Муҳаммадиев, Кахи Махарадзе, Санжар Шоаҳмедов, Садриддин Абдуллаев, Икром Алибоев, Сардор Мирзаев, Игор Йелич, Нивалдо, Марат Бикмаев.
