“Real” a’zosi Marko Asensio yozda klubdan ketmoqchi va “Manchester Siti”ga o‘tmoqchi.
“Diario Gol”ga ko‘ra, 22 yoshli futbolchi “Yuventus”ga qarshi o‘yindan keyin “qirollik klubi” rahbariyatiga bu haqdagi qarorini ma’lum qilgan. Unga o‘yinning 75-daqiqasida zaxiradan maydonga tushgani yoqmagan.
Asensio “Real”da imkoniyatini kutgandan ko‘ra boshqa klubda asosiy futbolchilardan biriga aylanishni ma’qul ko‘rmoqda. Xabarlarga qaraganda, unga “Manchester Siti” ustozi Xosep Gvardiola jiddiy qiziqyapti. Asensio ham “shaharliklar” safiga o‘tishga qarshi emas.
