“Yuventus” bosh direktori Beppe Marotta klubning rejalari haqida gapirdi.
“Real”dan uchralgan mag‘lubiyat hech narsani o‘zgartirmaydi. “Yuventus” barqaror o‘yin ko‘rsatmoqda. Bizning rejamiz — yosh va tajribali futbolchilardan iborat tarkib shakllantirish. 2020 yilda “Yuventus” erasi boshlanadi va u prezident qachon lavozimidan ketsa, o‘shanda tugaydi. Bizda ajoyib reja bor.
Chempionlar ligasida “Real” va “Barselona” yetakchi. Bizning darajamiz bilan ularning darajasi o‘rtasida farq bor. Biz har doim Yevropaning eng kuchli 8 ta jamoasi safidan o‘rin olishni niyat qilganmiz va buni uddalab kelyapmiz. Chempionlar ligasida hamma narsa qur’aga bog‘liq, bu safar omadimiz kelmadi.
Allegrining klub bilan aloqalari a’lo darajada. Biz uning kelajakdagi transfer rejalarini qo‘llab-quvvatlaymiz va tarkibni shakllantiramiz. Bizga inqilob kerak emas”, dedi Marotta.
