Hattoki, hisobsiz xarajat ham «PSJ»ga naf keltirayotgani yo‘q. Axir Liga 1ning shubhasiz «gegemoni» bu safar ham Yevropa Chempionlar Ligasida aytarli karomat ko‘rsatolmadi.
Jamoa 7 yildirki, turnirda loaqal yarim final dovonini zabt etolmayapti...
Mana, Parij klubining CHLdagi omadsizliklari xronikasi bilan tanishish asnosida xarajat salmog‘idan kelib chiqib, barchasiga o‘zingiz baho berishingiz mumkin (manba: bombardir.ru sayti).
MAVSUM-2011|2012
Xarajat miqdori: 107,1 mln. yevro
Eng qimmatbaho xarid: Xavyer Pastore (42 mln. yevro)
2011 yilning 31 may kuni Qatar Sports Investments jamg‘armasi klub aksiyalarining 70 foizini sotib olgach, ko‘p millionli transferlar davri boshlandi. To‘g‘ri, o‘sha mavsum boshqa xaridlar Xavyer Pastore transferichalik shov-shuvga sabab bo‘lgani yo‘q.
Biroq fakt shuki, «PSJ» tarkibi Tyago Motta, Kevin Gameyro, Mussa Sissoko, Jeremi Menez va Blez Matyuidi kabi ijrochilar hisobiga keskin kuchaytirildi. Jamoa bosh murabbiyi lavozimida esa Antuan Kombuare o‘rnini kimsan Karlo Anchelotti egalladi.
Mavsumdagi natija: «PSJ» ichki birinchilikda chempionlikni chinakam «sensasiya» ko‘targan «Monpelye»ga boy berdi. Qolaversa, Yevropa Ligasida «Atletik», «Zalsburg» va «Slovan» bilan bir guruhda o‘ynab, «pley-off»ga chiqolmadi. Shuningdek, Fransiya kubogida kurashni chorak finaldayoq to‘xtatdi.
MAVSUM-2012|2013
Xarajat miqdori: 149,95 mln. yevro
Eng qimmatbaho xarid: Tyago Silva (42 mln. yevro)
Jamoa shuningdek, Lukas Moura uchun 40 million yevro to‘ladi. Lekin Ezikiyel Lavessi va Zlatan Ibragimovichning transferi ko‘proq muhokama qilindi, baribir. Boz ustiga, parijliklar ayni o‘sha vaqt Marko Verratti va Devid Bekxemni ham o‘z saflariga jalb etishgandi.
Mavsumdagi natija: «PSJ»ning ishlari nisbatan yaxshilanib, jamoa Liga 1 turnir jadvalida eng yaqin ta’qibchisi - «Marsel»ni 12 ochko ortda qoldirdi. Ammo milliy kubok uchun kurashda yana chorak finaldan nariga o‘tolmadi.
Yevropa Chempionlar Ligasida esa harqalay, yomon taassurot qoldirgani yo‘q. Ya’ni parijliklar 1|4 finalda «Barselona» bilan tengma-teng kurashishdi va faqat «Safarda urilgan gol - ustun» qoidasi tufayli kataloniyaliklarga yo‘l bo‘shatishdi.
Mavsum-2013|2014
Xarajat miqdori: 135,9 mln. yevro
Eng qimmatbaho xarid: Edinson Kavani (64,5 mln. yevro)
Jamoa urugvaylik goleadorga ega bo‘lish barobarida yana 3ta e’tiborli transferni amalga oshirdi - Markinyos, Yoan Kabay va Lyuka Din. Bundan tashqari, «PSJ» boshqaruvini Loran Blan qo‘lga oldi. Ushbu tayinlov munozaralarga yo‘l ochdi, biroq Karlo Anchelottini to‘xtatish ilojsiz edi.
Italiyalik murabbiyning o‘zi «Real»da ishlashni ixtiyor etganini oddiy izohlagandi: «Parij jamoasi rahbariyati bilan munosabatlarda o‘zimni qulay his qilganim yo‘q, shuning uchun ketishni ma’qul ko‘rdim...».
Anchelotti keyinchalik ham bu mavzuga qaytib, yana rahbarlarni aybladi: «Ochig‘i, ular mening loyihamga ishonqiramay qarashdi. Ya’ni istiqbolni chetga surib, darhol natija ta’minlashimni talab qilishdi».
Mavsumdagi natija: Fransiya chempionati «PSJ» uchun ancha yengil kelib, jamoa «Monako»ni 9 ochko ortda qoldirgan holda, oltin medal sohibiga aylandi.
Shuningdek, mamlakat superkubogi va Liga kubogi ham «bo‘ysindirildi». Yevropa Chempionlar Ligasidagi ishtiroki esa yana alam uyg‘otdi: jamoa chorak finalning ilk o‘yinida «Chelsi»ni 3:1 hisobida dog‘da qoldirdi, ammo Londonda 2ta javobsiz gol qo‘yib yubordi.
Boz ustiga, «aristokratlar» hal qiluvchi golni so‘nggi daqiqalarda nishonlashdi. Xullas, «PSJ»ning nihoyat, yarim finalni zabt etishiga atigi 3 daqiqa ortiqchalik qildi.
Mavsum-2014|2015
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
