Superliga 6-turidan o‘rin olgan “Nasaf” – “Lokomotiv” bahsi 2:1 hisobida yakunlandi. O‘yindan so‘ng o‘tkazilgan matbuot anjumanida Andrey Miklyayev savollarga javob berdi.
- “Nasaf” jamoasini qo‘lga kiritilgan g‘alaba bilan tabriklayman. Bunday jamoaga qarshi, ayniqsa butun stadion uni qo‘llab-quvvatlab turgan payt o‘ynash – oson emas. Yigitlar bugun yomon o‘ynashmadi. Lekin bu safar ham bizga nimadir yetishmadi. Negadir so‘nggi paytlarda o‘yin davomida yomon harakat qilmasak-da, o‘zimiz kutgan natijaga erisha olmayapmiz.
Bugun ham keraksiz vaziyatlarda kartochkalar ishlab oldik. Balkim jamoamizga ilgargidek Kapadze yoki Jeparovdek o‘yin vaqti yigitlarni boshqarib, ularga o‘z vaqtida o‘zlarini bosib olishni maslahat beradigan, ularga to‘g‘ri yo‘l ko‘rsatadigan chin ma’nodagi yetakchi yetishmayotgandir, - dedi tajribali mutaxassis.
