“Nasaf” jamoamizning Superligada o‘tkazgan olti uchrashuvini tahlil qildik va shunga asosan statistikasini tuzib chiqdik.
Quyida “ajdarlar”ning 6-turdan so‘ng umumiy statistikasini e’tiboringizga havola etamiz.
“Nasaf” jamoamiz bu yilgi Superligada shu paytgacha 6ta uchrashuv o‘tkazdi. Bu uchrashuvlarning 3tasida g‘alabaga erishildi. Shulardan 2tasi uy uchrashuvlarida, 1tasi esa safar uchrashuvlarida.
Safardagi 2 uchrashuvda durang qayd etildi.
Superliga ishtirokchilari orasida “Nasaf”, hozircha mag‘lubiyatga uchramagan ikki jamoaning biri bo‘lib turibdi.
Futbolchilarimiz raqiblari darvozasini jami 8 marta ishg‘ol qilishdi. Shulardan 6tasi uy uchrashuvlarida, 2tasi esa safar uchrashuvlarida. Futbolchilarimiz bir uchrashuvda eng ko‘p gol urgan uchrashuv bu, “Nasaf” – “Buxoro” 3:1 uchrashuvi bo‘lib turibdi.
Darvozabonimiz o‘z darvozasidan 4ta to‘p o‘tkazib yubordi. Bularning 2tasi uy uchrashuvida, yana 2tasi safar uchrashuvlarida.
Bo‘lib o‘tgan uchrashuvlarda jami 12 ochko qo‘lga kiritildi. Shulardan 7tasi uy uchrashuvlarida, 5tasi esa safar uchrashuvlarida.
O‘tgan 6 turda futbolchilarimizga 10 marta sariq kartochka ko‘rsatildi. Shulardan 6tasi uy uchrashuvlarida, 4tasi safar uchrashuvlarida.
“Nasaf” shu paytgacha milliy chempionatimizda jami 624 ta uchrashuv o‘tkazdi. Shundan 353tasida g‘alaba qozongan, 116tasida durang va 154ta uchrashuvda mag‘lubiyat qayd etgan. To‘plar nisbati 1134-689ni tashkil etmoqda.
Jamoamiz ustozi Ro‘ziqul Berdiyev milliy chempionatimizning 157ta uchrashuvida jamoamizni maydonga boshlab tushdi. Shularning 101tasida jamoamiz g‘alabaga erishdi.
“Nasaf”ning bu yilgi to‘purarlari
Aziz G‘aniyev – 2
Bobir Abduxoliqov - 2
Slavko Lukich – 2
Dragan Cheran – 1
Igor Golban - 1
Jamoamizning bu yilgi chempionatdagi o‘yinlarini, "Markaziy" stadionimizda hozircha 37 757 nafar futbol ishqibozlari tomosha qilishdi.
