“Roma” sport direktori Ramon Monchi YECHL yarim finalida “Liverpul”ga qarshi bo‘ladigan o‘yinlar haqida gapirdi.
“Bu 1984 yilgi to‘qnashuvda bo‘lgan o‘yindan keyingi penaltilar seriyasida uchralgan mag‘lubiyat uchun qasos olishning ajoyib imkoniyati (o‘shanda Yevropa Chempionlar kubogi finalida asosiy vaqt 1:1 hisobidagi durang bilan tugagan, penaltilar seriyasida esa “Roma” “Liverpul”ga 4:2 hisobida yutqazgandi). Bizni “Manchester Siti”ni musobaqadan chiqarib yuborgan kuchli raqib kutmoqda, ammo biz yarim finalda “Barselona” ssenariysini takrorlamoqchimiz. “Liverpul”ning boshiga “Barselona”ning kunini solamiz.
Salohning qaytishi? “Liverpul”ning barcha futbolchilari tajribali, qolaversa, ularning murabbiyi ham fantastik”, dedi Monchi.
