“Рома” спорт директори Рамон Мончи ЕЧЛ ярим финалида “Ливерпул”га қарши бўладиган ўйинлар ҳақида гапирди.

“Бу 1984 йилги тўқнашувда бўлган ўйиндан кейинги пенальтилар сериясида учралган мағлубият учун қасос олишнинг ажойиб имконияти (ўшанда Европа Чемпионлар кубоги финалида асосий вақт 1:1 ҳисобидаги дуранг билан тугаган, пенальтилар сериясида эса “Рома” “Ливерпул”га 4:2 ҳисобида ютқазганди). Бизни “Манчестер Сити”ни мусобақадан чиқариб юборган кучли рақиб кутмоқда, аммо биз ярим финалда “Барселона” сценарийсини такрорламоқчимиз. “Ливерпул”нинг бошига “Барселона”нинг кунини соламиз.

Салоҳнинг қайтиши? “Ливерпул”нинг барча футболчилари тажрибали, қолаверса, уларнинг мураббийи ҳам фантастик”, деди Мончи.