Germaniyaning “Bavariya” klubi yangi mavsumdan jamoani xorvatiyalik mutaxassis Niko Kovach boshqarishini tasdiqladi.
Klub sport direktori Hasan Salixamijich “Bavariya” televideniyasiga bergan intervyusida Kovach 2018 yilning 1 iyul kunidan boshlab ishga kirishadi. “Bavariya” murabbiy bilan uch yillik shartnoma imzolagan.
Avvalroq, “Bavariya” Kovach uchun uning hozir ishlayotgan jamoasi “Ayntraxt”ga 2,2 million yevro to‘lab berishi haqida ma’lumotlar bor edi. “Ayntraxt”ga Nikoning 44 yoshli ukasi Robert Kovach murabbiy etib tayinlanadi.
Ma’lumot uchun, “Ayntraxt” 2016/17 yil mavsumida Kovach qo‘l ostida 11-o‘rinni egalladi. Hozir esa 46 ochko bilan 5-o‘rinda bormoqda.
Eslatib o‘tamiz, “Bavariya” Yevropa chempionlar ligasi yarim finalida “Real” bilan bahs olib boradi. Ammo bu o‘yinda germaniyaliklarni Yupp Xaynkes boshqaradi.
