Ispaniya chempionatining 32-turidan o‘rin olgan markaziy “Barselona” – “Valensiya” uchrashuvi yakuniga yetdi. Unda mezbonlar 2:1 hisobida qiyin g‘alabaga erishdi.

Dastlab, o‘yinning 15-daqiqasida Luis Suares hisobni ochdi. 51-daqiqada himoyachi Samuel Yumtiti Koutinyoning burchakdan oshirib bergan to‘pini bosh bilan darvozaga yo‘llab, farqni yana bittaga oshirdi.

So‘nggi daqiqalarda o‘yin yanada qizg‘in tus oldi. Usmon Dembele o‘z jarima maydonchasida “Valensiya” futbolchisini chalib yiqitdi va natijada hakam “Barsa” darvozasiga penalti belgiladi.

11 metrlik jarima zarbasini Daniel Parexo to‘g‘ri amalga oshirib, hisobni 2:1 ko‘rinishiga keltirdi. Qolgan daqiqalarda esa boshqa to‘p kiritilmadi.

Shu tariqa, “Barselona” ketma-ket 39 o‘yinda mag‘lubiyatga uchramay, shaxsiy rekordini yangiladi hamda Ispaniya chempionatida ochkolari sonini 82 taga yetkazib oldi.

La-Liga, 32-tur.

“Barselona” – “Valensiya” 2:1.

Gollar: Suares (15), Yumtiti (51) – Parexo (87, penalti).

“Barselona”: ter Stegen, Yumtiti, Pike, Alba, Paulinyo, Serdji Roberto (Nelson Semedu, 90), Inyesta (Denis Suares, 84), Buskets, Koutinyo (Dembele, 79), Messi, Suares.

“Valensiya”: Neto, Garay, Gayya, Ruben Vezu, Gabriel, Soler, Parexo, Kondogbia, Gonsalu Gedesh (Pereyra, 69), Santi Mina (Vyetto, 71), Rodrigo (Zaza, 80).

Ogohlantirishlar:Pike (7), Kondogbia (12), Gabriel (75), Dembele (86).