Madridning «Real» klubi yangi futbolchisi Bernardu Silva mavsumni zaxira o‘yinchisi sifatida boshlashi mumkin.
«Qaymoqranglilar» yoz boshida «Manchester Siti»ning sobiq sardorini erkin agent sifatida o‘z safiga qo‘shib olgan edi. Bosh murabbiy Joze Mourinyo o‘z hamyurtini jamoaning asosiy tarkibida muhim o‘yinchi sifatida ko‘rishi taxmin qilingandi. Diario AS ma’lumotlariga ko‘ra, hozirda vaziyat unchalik aniq emas: Bernardu Silvaning Portugaliya terma jamoasi safida jahon chempionatida ko‘rsatgan o‘yinidan so‘ng, «Real» rahbariyati uning asosiy tarkibdagi o‘rni borasida ikkilanmoqda.
Bernardu Silva Ispaniya grandi bilan 2028 yilning o‘rtalariga qadar mo‘ljallangan shartnoma imzolagan. Yarim himoyachi 2017 yildan buyon «Manchester Siti» sharafini himoya qilib kelayotgan edi.
