UZREPORT Axborot Agentligi (UZREPORT TV, FUTBOL TV) millionlab futbol muxlislariga ajoyib xushxabarni ma’lum qiladi. Agentlik 2018 yilgi Jahon chempionatini O‘zbekiston hududida eksklyuziv translyasiya qilish huquqini qo‘lga kiritdi.
Eslatib o‘tamiz, joriy yil FIFA tomonidan tashkil kilinadigan eng muhim musobaqa joriy yilning 14 iyunidan 15 iyuliga qadar Rossiya yashil maydonlarida bo‘lib o‘tadi.
Rossiyaning 12ta yirik stadionlarida dunyoning saralangan 32ta terma jamoasi murosasiz bahs olib boradi va mazkur uchrashuvlar UZREPORT TV va FUTBOL TV telekanallari orqali jonli efirda namoyish etiladi.
O‘yinlardan tashqari telekanallarimiz orqali o‘ziga xos Jahon chempionati kundaligi - "Highlights"lar ham efirga uzatib boriladi. Unda siz JCH-2018da bo‘lib o‘tgan o‘yinlardagi eng qiziqarli va hayajonli vaziyatlarni qayta tomosha qilish, terma jamoalarning futbolchilari va murabbiylari haqida ma’lumotlarni, shuningdek, rekord va qiziqarli faktlardan boxabar bo‘lib borishingiz mumkin bo‘ladi.
UZREPORT TV va FUTBOL TV telekanallarini tomosha qiling! Chiroyli o‘yin va o‘zingiz yoqtirgan jamoaga muxlislik qiling!
Ma’lumotnoma: UZREPORT TV telekanali avvalgi yillarda Yevropa chempionati (2016), UYEFA Superkubogi (2016, 2017), Klublar o‘rtasidagi jahon chempionatini (2017) jonli efirda namoyish qilib kelgan.
Bundan tashqari, bugungi kunda UZREPORT TV telekanali UYEFA Chempionlar ligasi va Yevropa Ligasi, Angliya Premyer ligasi va Ispaniya chempionatini O‘zbekiston hududida translyasiya qilish huquqiga ham ega.
