"Real" bosh murabbiyi Zinedin Zidan Ispaniya chempionatining 32-turida "Malaga" ustidan qozonilgan g‘alabadan so‘ng (2:1) fikrlarini bildirdi.

"Bugun nima qilishimiz kerak bo‘lgan bo‘lsa, buni baarganimizdan mamnunman. Biz raqibni hurmat qilgan holda o‘yinga jiddiy yondoshdik. Ba’zi o‘yinchilarmizga (Ronaldu, Beyl, Modrich) dam berdik. Biz chempionlar ligasining yarimfinali haqida o‘ylayapmiz.

Isko biz uchun har doim muhim. U bu mavsumda o‘tgan mavsumdan ko‘ra, ko‘proq maydonga tushdi. Uning gol urganidan xursandman, unga bu gol muhim edi. Siz ba’zan boshqacha o‘ylasangiz ham, Isko menga kerak.

Benzemaning gol urishini ham xohlagandim. Uning yaxshi futbolchi ekanini hammamiz bilamiz. Ammo bu mavsumda unga gollar yetmayapti. Ammo u taslim bo‘lmoqchi emas. U harakat qildi, gol urishga urindi", - deydi Zidan.