Shu jamoa safida ko‘plab iqtidorli futbolchilar faoliyat olib borishardi. Hatto, “Obod” futbolchisining nomini Oliy liga to‘purarlari ro‘yxatida ham uchratar edik. Ha, bu futbolchi shubhasiz Alisher Azizov hisoblanadi.
Avvaliga “Andijon”, “Qizilqum”, “Obod” keyin Qirg‘izistonning “Dordoy” klubida o‘ynagan o‘zbek o‘g‘loni hozirda Ummonning “Al Salam” jamoasi sharafini himoya qilmoqda. “Dordoy” klubidagi qisqa faoliyati davomida u 20 ta gol urdi va chempionat to‘purarlaridan biriga aylandi. Mavsum yakunlangandan so‘ng qishda Ummonga yo‘l oldi. Biz Alisher bilan ijtimoiy tarmoq orqali bog‘lanib, uning Ummonda qanday yashayotgani va bir qancha muxlislar nomidan yo‘llangan savolar bilan murojaat qildik. – Hayrli kun, Alisher aka! – Assalomu aleykum!. Sizga ham hayrli bo‘lsin.
– Hozir qaysi chempionatda o‘ynayapsiz? – Ummonning “Al Salam” klubida.
– Sharoitlar qanday? – Noliydigan darajada emas, har holda bungacha borgan boshqa mamlakatlardan yaxshi.
– Masalan? – Bundan avval Qirg‘iziston klubida biroz muddat o‘ynadim...
– “Umm Salal” bilan qancha muddatli shartnoma imzolagansiz? – Yarim yillik shartnoma? Iyun oyida mavsum yakunlanadi. Shu bilan birga shartnoma muddati ham nihoyasiga yetadi.
– Ummon chempionatidagi klublar unchalik mashhur bo‘lmasa-da, lekin futbolchilarga yaxshi maosh to‘lashadi. Sir bo‘lmasa, aytingchi, Ummonga agent xizmatlari orqali bordingizmi?
– To‘g‘ri, maosh yaxshi to‘lashadi. Lekin har bir ishning o‘z qiyinchiliklari bor. Futbolchi bo‘lish oson emas. Jarohatlar, doimiy nazorat ostida bo‘lish va jismoniy harakatlarning ko‘pligi odamni charchatadi. Ochig‘ini aytaman, bu yerga kelishimda agent menga yordam berdi.– “Al Salam” klubi bilan shartnomangiz yaqin kunlarda tugaydi. Ortga qaytmoqchimisiz yoki yangi shartnoma taklif etishsa, Ummonda yana qolishingiz mumkinmi? – Hozircha, aniq bilmayman. To‘g‘risi, O‘zbekistonni sog‘indim. O‘zbekistonda futbol o‘ynash baribir boshqacha. U yerda do‘stlarim oilam hamma-hammasi bor.
– O‘zbek klublaridan takliflar bo‘ldimi? – Afsuski, aniq taklif bo‘lgani yo‘q. Shunchaki, qiziqib ko‘rishdi.
– Qaysi klub? – Endi bu ish o‘xshamagandan keyin, u klublar nomini aytishdan foyda ko‘rmayapman.
– Hech bo‘lmasa bittasini...? DAVOMI
