Kecha O‘zbekiston Kubogining 1/16 final bosqichi o‘yinlari yakuniga yetdi. Qiziqarli va kurashlarga boy tarzda o‘tgan uchrashuvlarda Superliganing 3ta vakili – “Metallurg”, “Navbahor” va “Buxoro” klublari Kubokni ilk bosqichdayoq tark etishdi.

Nimchorak finalga yo‘llanma olgan 12ta jamoaga yana to‘rtta jamoa qo‘shiladi. Bular -  “Lokomotiv”, “Nasaf”, “Paxtakor” va “Bunyodkor”.

1/8 finalda Superliganing 9ta va Pro-liganing 7ta klubi qatnashadi.

1.“Surxon” (Pro-liga)

2.“Dinamo” (Pro-liga)

3.“Sherdor” (Pro-liga)

4.“Mash’al” (Pro-liga)

5.“Andijon”(Pro-liga)

6.“Orol” (Pro-liga)

7.“Iftixor” (Pro-liga)

8.AGMK (Superliga)

9.“So‘g‘diyona” (Superliga)

10“Qo‘qon-1912” (Superliga)

11.“Neftchi” (Superliga)

12.“Qizilqum” (Superliga)

13."Paxtakor" (Superliga)

14."Lokomotiv" (Superliga)

15."Nasaf" (Superliga)

16."Bunyodkor" (Superliga)

Avvaldan belgilanganidek, 1/8 final bosqichiga ham qur’a tashlanadi. Qur’a tashlash marosimi 18 aprel chorshanba kuni soat 20:00da “Sport” telekanalida jonli efirda namoyish etiladi.

Qur’a tashlash marosimidan oldin Superliganing mart oyidagi eng yaxshi futbolchisi, eng yaxshi murabbiyi, eng yaxshi darvozabon va eng chiroyli gol mualliflariga PFLning maxsus sovrinlari topshiriladi.